إنتي حبيبتي
نصيبي وبختي
بجد عظيمه
كلك رقه
وزوق وكريمه
طلة عينك
لما تجيني
بتنسيني
هموم الدنيا
وأبقى معاكي
أسير لهواكي
وأحسب وقتي
ثانية بثانية
وألقى الوقت
بسرعة بيجري
معاكي يا عمري
زي النسمه
وأجمل بسمة
باستناها وبتمناها
وأفضل طول الوقت معاها
بتسعد يومي
لما بتمشي
يفضل طيفك
ساكن فيه
جوه عنيه
وأقفل عيني
عليكي برمشي
واستناكي
أشوفك تاني
ما انتي بقيتي
ساكنه كياني
طيفك جاني
بأحلى كلام
م النوم صحاني
صحى غرامي
ملاني أماني
إنتي القمر
اللي مسهرني
اللي بنوره
وقت ظهوره
بينورني
أنتي بقيتي
حلم حياتي
لمسة حب
دقة قلب
إنتي الحاضر والمستقبل
إنتي في عمري الحلم الأجمل
حتى لما بتيجي في خيالي
بسرعة قوام يتغير حالي
ما انتي حبيبتي
وانتي بقيتي الحلم الغالي
موضوع: الحلم الغالي 
