اعتذار رسمى لشيكا وفيس اوف

الموضوع اللى فات فيس طلب منى اعتذار وافتكر ان ده احسن اعتذار
دول جزء صغير من كدب الولاد للبنات مع انى زعلانه من البنات عشان محدش فيهم واقف جمبى بس مش مهم انا اقدر اقف
ادام 100 ولد لوحدى



* لسه جميله زي اول يوم شفتك فيه .

*لما بابص في عينيكي ما بقدرش اكدب عليكي ..

*عندك اجمل عينين في الدنيا .. يقولها مع الكثير من ( التسبيل )

*حتى وانتي عندك 80 سنه .. هتفضلي جميله وهفضل احبك .

*انا عضو اللجنه المنظمه للماراثون الخيري لصالح مستشفى السرطان الجديد , وانا دايما باقضي تاني يوم العيد في اي ملجأ ايتام , بس مابحبش اقول كده كتير .

*بصراحه انتي تستاهلي واحد احسن مني ..

*يقولها الولد (وعينيه في الارض وبيحاول يبان بصوره الفارس المضحي اللي ممكن يسيب حبيبته لواحد احسن منه يقدر يسعدها ...

*المشكله عندي مش عندك .. انا مش حابب فكره الجواز ...

يقولهالك الولد ويبقى جواه عارف انه ممكن يتجوز بكره الصبح .. بس واحده تانيه غيرك .. لانك ماتنفعهوش .

*اهلي ضاغطين عليا علشان اتجوز بنت عمي او بنت خالتي او بنت الجيران .

تخيلي انك المفروض تسمعي الكلام ده سنه 2008 وتصدقيه .. تصدقي انه فيه اولاد اهاليهم بيجوزوهم غصب عنهم لبنات غير اللي بيحبوها مع ان اهلك انتي كبنت مابيعملوش كده

*خلينا اصحاب احسن ...

لما يقولك كده قولي له وانتي ماشيه وسايباه ان الصداقه ممكن تتقلب حب في يوم من الايام , لكن الحب عمره ما يرجع صداقه , وقولي له ان عرضه " بلاش حب .. خلينا اصحاب " هو نوع من البقشيش العاطفي مافيش بنت عندها كرامه ممكن تقبله .

*علاقتنا مافيهاش كيميا ..

قولي له وليه سمحت لعلاقه خاليه من الكيميا انها تبتدي اصلا .

*مش هقدر اكمل معاكي لاني لقيت الانسانه اللي كنت بادور عليها ...

*انا مش قادر احبك زي ماانتي بتحبيني قوي كده ..

*" انا هظلمك لو قعدتك جنبي انا قدامي وقت كبير اكون فيه نفسي .. واعمل حاجه مهمه " "

*انا هقفل دلوقتي علشان داخل على لجنه .

*معلش اصل الشحن فصل .

*كنت قافل الموبايل علشان كنت في meeting

*ماردتش اصلي كنت عند المدير .

*ماردتش كنت سايق .

*انا في الطريق بس الكوبري واقف .

*ماكنتش قافله بس كنت في حته مافيهاش شبكه ..

*لا والله كلمتك امبارح .. بس موبايلك كان مقفول ..

*الولد اللي يتصل بيكي ويقولك .. مساء الخير .. لو سمحت انا لقيت ميسد من الرقم ده .. ده ولد كداب لانه بيعاكس

*ما بتصلش علشان واقفين عني الخدمه لحد ماادفع الفاتوره , او معلش ماردتش على الماسج علشان ما عنديش رصيد في الكارت ..

*طيب قافل موبايلك ليه ؟ يقولك علشان كنت في عزا .. عزا مين ؟! ابو واحد زميلي في الشغل .

*مارديتش اصل كان معايا مكالمه تانيه وانتي دخلتي على الويتنج ما سمعتكيش ...

*ولما يحب يقفل معاكي فجأه لو هربان منك وكلمتيه من نمره غريبه عليكي .. بص لو الشحن فصل هاكلمك تاني .. تيت تيت تيت وطبعا معروفه انه لا الشحن وقع ولا هيكلمك تاني .

*عقلك اكتر حاجه عجباني فيكي .. غالبا بيقولها " لبنت بنضاره " .

يا حبيبتي اعملي اللي انتي عايزاه .. غالبا بيكون (اللي انتي عايزه ) هو ( اللي عايزه ) .

*على فكره انتي اكتر واحده فهمتيني في حياتي كلها .. هو غالبا يقصد انك (اكتر واحده عرف يسيطر عليها ) .

*عمري ما هزعلك في حياتي ..

*انا مستعد اتجوزك دلوقتي حالا .. او قومي بينا نتجوز دلوقتي .. ( ملحوظه :عندما يعرض على واحده عرض مثل هذا يجب ان تتظاهر بالموافقه الجريئه (يالا بينا ) وقتها ستعرف مدى الكذبه ) .

*لعلمك .. الاختلاف اللي بيننا هو اللي هيقربنا من بعض اكتر .

*بينا حاجه حلوه مش عارف هيا ايه ؟! ....(بدايه التلميح ).

*اما تلاقيه مركز مع اليسا في التليفزيون ومش حاسس انك جنبه تكلميه فيقولك " لعلمك انا ما تعجبنيش اليسا .. انا يهمني جمال الروح اكتر " ..

*عمري ما حسيت الاحساس ده من قبل .

*صدفه غريبه ! .. عايز اقول لك ان انا كمان ما بسمعش غير فيروز .


*وبكتب شعر كمان .

*معاكي باحس اني طفل من جديد .. ("يقولها عشان عارف انه "بيلعب " )

*خلاص هاعمل اللي تقولي عليه

*ماعندكيش مشكله في فرق السن , ايه يعني انك اكبر مني بسبع سنين ؟!

*الحب حاجه والجواز حاجه تانيه .

*دي مجرد صديقه .

*تصدقي انا حتى مش فاكر اسمها .... (طيب وعايز يفتكر اسمها ليه ؟!)

*اهلي بيموتوا فيكي .

*وماما نفسها تشوفك .

*لأ مافيش حاجه .. بس شويه مشاكل في الشغل .

ا*انا مش باعمل حاجه لنفسي .. كله ليكي وللاولاد .

*لأ انا ماقلتش كده .. انا فاكر قلت ايه .

*ماانا كنت هاقولك .

*الخروجه كلها رجالي ..

*لولا الشغل كنت رحت معاكي انتي والولاد عند حماتي .

*دي حتى حماتي واحشاني .

*كل العلاقات اللي قبل كده كانت عابره وسريعه ومافيهاش حاجه مهمه .

*هاتأاخر في الشغل شويه النهارده .

*ممكن الاقي لك فرصه شغل عندي في (الشركه .. الوزاره .. الصحيفه ...الخ )

*انا ماشفتهاش من ساعه ما سيبنا بعض .

*انا ميت من التعب .. نشوف الموضوع ده بكره .

*ازاي ممكن تشكي انه فيه حاجه بيني وبينها اصلا ؟!

*عمري ما هتضايق لانك بتقبضي مرتب اكبر مني .

*عمري ما هتضايق لانك مشهوره اكتر مني .

*انتي اتجننتي ؟! .. اعرف واحده غيرك ؟

*صدقيني لما قول لك كل حاجه ماشيه صح .

*اول واحده حبيتها ماتت في حادثه /اتجوزت وسابت مصر / خانتني مع اعز اصدقائي / اهلها رفضوني .

اى خدمه يا فيس يارب يكون الاعتذار عجبك

ينهار اسود ده اعتذار ده حكم بالاعدام انا اما يجى فيس حبيبى بس هخليه يشوفلى حل

لولو احنا دايما معاكي يا قمر

اعتذار يجنن هههههههههه