انواع الشباب على الانترنت ...!!!

انواع الولاد على النت...

( الي يدوب لسه متعلم يدخل نت)

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه

(المرحلة الثانية: ( الي بيقعد على النت بس مش كتير)النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك

(المرحله التالته : ( الي قاعد على النت ليل نهار) ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

انا حاسه كده ان شكلى هكشف كل شباب المنتدى
يابنات خليكوا معايا Wink

ههههههههههههههههههههههههههههههههههههههههههه
تسلم ايدك ياارب كل حاجه قولتيها صح عداكى العيب

فكرة الموضوع جامدة جدا
وانت من انهى نوع بقى شكلك كدة ميكس
هههههههههههههههههههههههههههه

انا بنت الحمدلله
ده نموذج من الاشكال اللى بنقابلها على النت ومع العلم انهم اولااد مش بنات
وميرسى لمرورك يافيس انت وبسمله
ويابنااااااااااااااااات خليكوا معااااااااياااااااااا

صحيح يا فيس هى بتقول انواع الشباب Very Happy

معلش يا نونه فيس تقريبا استوعابه ضعيف lol!

وبجد موضوع جاااااااااااااااااااااااااااااااااامد
وطبعا كل البنات معاكى ولا حد عنده اعتراض Very Happy

لا لا فى انواع من دول في بنات ولو انتى كنتى واد يا نونا كنتى عملتى البتاع ده على البنات lol!

انتى يا نونا شكلك كده مستحلفه للولاد بس على فكره احنا اكتر منكو هنا ها خللو بالكو يعنى انا كمان معايا فيس وزازو lol!

هههههههه
كلمك كلو صحيح يا نونة يا قلبي
السباب كلهم تده نعملهم ايه بث
كنا معاكي يا قمر المنتدى الي دايما جايبة حقنا هنا

على فكرة انت قلتى انواع الشباب مش انت من الشباب بردة ولا انت تيتا ستو هههههههههههه

لالالالا يافيس
انا اقصد الشباب اللى هما الاولاد يعنى واظن كلامى واضح جدااااا وبلاش بقى تتلائموا عليناا
وياشيكا انتوا المساهمين شوف اد ايه من الاولاد وشوف اد ايييييييه بنات وبلاش تفتحوا علشان هتتنفخوا

هههههههههههههههههههه عندك حق ياقلبي
مشكورة حبيبتى

يا شباب اتفضحتو الاحسن تسيبو المنتدى
هههههههههههههههه
قمر يا نونة

السلام عليكم

هو انكم ورا اولاد كفاية انكم متقدروش تعيشو من غيرنا متبطلو يا بنات لنطلقكم و تعنسوووو

هههههههههههههههههههههههههههههههههههههههههههههههههههههههههههههههههههههه

هههههههههههههههه
ميرسى كتير حلو الموضوع وفى كتير النوعيات اللى قولتى عليها
تقبلى مرورى

» لقد تم أعلان الحرب ضد الشباب***:*** بنات الحقوو اشياء تخلي الشباب يشدو بشعرهم؟؟؟؟؟
» حال الشباب لما يسمعو صوت بنت
» بنات تعرفون ليش الشباب مقهورين منا ]]]] بدون زعل
» صور نجم الشباب تامر حسني
» نكت عن الشباب يا بنات ادخلوا بسرررررررعة